Tripura Asongo skangipa Isolni katako aganprakna abachenga Newzealand Baptist Mission. Ua somoionin Tripurao dongengipa A·chikrang ni gisepo ba Christian ongn abachengaha. Missionaryrang asongni capital city Agartala ni Arundhutinagar o Mission compound dakaha. Ia mission compound ningao jen somoionin school ko dakna abchenga ua somoionin banga Tripurao dongipa A·chik bisarang hostelo donge poraina abachengaha. ua somoio 1967 bilsio hostelo dongipa gipin jatrangni gisepo antangni ku·chi Isolko olakina abachengaha. Jen somoio gipin jatrang antangni kutangchi Isolko olakina abachenga ua somoio A·chikrang Bengali ku ko Jakkalani gimin jea niko manaha. uandakmiting somoio hostelo dongipa A·chikrangni gisepoba antangni ku chi dingtang dake A·chik service ko dakna abchengaha. Uamangni bimungrang ongjok Ma. Amila Jengcham, Pa.Girish Chisim, Pa.Promode Rema, Ma.Shyamali Rema, aro Pa.Subhas Sangma. Iandake 1968 bilsionin saksa sakgni dake A·chikrang tomako dakna abachengaha.1972-79 bilsio A·chik Krima(non-officially) kana chanchichengaha. Ia somoiode A·chikrang Bengali ku chi git ringna aro Sastro poraina jakkalachim. Indakmiting somoio Assam Goalparaoni saksa mikgri procharok Pa.Lemson D.Sangma Tripuraona rebaha. Uni 1970 bilsio Tripurani A·chik mondolirango kam ka·achi Tripurani A·chik Christianrang antangni ku ko jakkalan bakssa A·chik krima tomako kana gisik nagbaha. Uandake mondoliantini nangrimachi Krima dalna aro mangrakna abachengaha aro A·chik nangrima bimungko gale "Tripura Baptist A·chik Krima" bimungko mingaha. Aro iandake daona kingking Tripura Baptist A·chik Krima, Tripura Baptist Christian Unioni ningo ge·sa Association onge Isolni rasongna kam kaenga.
